Դեսպան Բալայանն այցելեց Ուրկ քաղաք

08 փետրվարի, 2022

Փետրվարի 8-ին դեսպան Տիգրան Բալայանն այցելեց Ֆլևոլանդ մարզի Ուրկ քաղաք, որը Նիդերլանդների ձկնարդյունաբերության խոշորագույն կենտրոնն է։

Քաղաքապետարանում դեսպանը հանդիպում ունեցավ Ուրկի քաղաքապետ Սես ֆան դեր Բոսի և քաղաքային խորհրդի անդամների հետ։ Քաղաքապետն իր ողջույնի խոսքում անդրադարձ կատարեց հայ ժողովրդի բազմադարյա պատմությանն ու մշակույթին, խոսեց քրիստոնեական արժեքների մասին, որով Ուրկ քաղաքն առանձնահատուկ տեղ է զբաղեցնում Նիդերլանդների հասարակության շրջանում՝ պահպանելով իր ավանդույթները և հոգևոր արժեքները, ինչը լրացուցիչ խթան է հանդիսանում 1-ին քրիստոնյա ժողովրդի հետ ամուր հարաբերություններ կառուցելու ճանապարհին։

Հանդիպմանը քննարկվեցին ապակենտրոնացված համագործակցություն հաստատելու հնարավորությունները։

Ահյնուհետև, Տ. Բալայանն այցելեց Նիդերլանդներում ծովամթերքի ներկրման և արտահանման շուկայում առաջատար Dayseaday Group ընկերություն, շրջայց կատարեց արտադրամասում, ծանոթացավ վերջինիս պատմությանն ու գործունեությանը։

Դեսպանն ընկերության ղեկավարությանը փոխանցեց Հայաստանում ձկնարտադրության վերաբերյալ տեղեկատվական նյութեր և վիճակագրություն, քննարկեց համատեղ ծրագրերի իրագործման հետ կապված հարցեր։

Այցը կազմակերպվել էր Միջազգային քրիստոնեական խորհուրդ կազմակերպության գործադիր տնօրեն Հենկ Յան ֆան Սխոտհորստի նախաձեռնությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր